Што е Браинобраин?
Програма за развој на способностите и вештините кај децата (4 – 14 год.) со две главни цели:
- Целосен мозочен развој ( користејќи го абакусот )
- Развој на личноста (користејќи ги НЛП - техниките)
Што значи целосен мозочен развој?
Како што ни е познато нашиот мозок е поделен на две хемисфери, лева и десна. Секоја хемисфера е задолжена за посебна функција:
Лева хемисфера:
- Анализа, факти
- Пресметувачка
- Вербална, зборови
- Логика, рационална
Десна:
- Визуелна
- Креативност, уметност
- Интуиција, чувства
- Меморија
Кај повеќето луѓе постои доминација на левата мозочна страна најчесто поради традиционалните методи на учење а тоа води кон нецелосна развиеност на десната страна. Исто така доста од истражувањата за развиеноста на двете страни на мозокот кај децата, покажале дека се помалку се користат врските помеѓу левата и десната страна ( мозочните синапси ).
Браинобраин програмата се фокусира на активирање на двете страни на мозокот заедно во исто време бидејќи тогаш активноста и продукцијата би била најуспешна.
Која методологија се користи за да се добие целосен мозочен развој?
Методологијата се вика ВАК:
- визуелно (гледање)
- аудитивно (слушање)
- кинестетички ( допир, чувствување)
Докажано е дека најбрзо и најефикасно учење или меморирање се одвива до колку информацијата доаѓа во исто време од две или повеќе сетила (гледање, слушање, допир...) . користејќи ги овие методи со абакусот се создава активирање на конекциите помеѓу левата и десната страна на мозокот и целосна мозочна активност.
Што е Абакус?
Абакусот е античка, азиска сметалка која се користела низ вековите за пресметување, пред да биде измислен модерниот нумерички систем.
Денес се употребува за ментална гимнастика.Абакусот како алатка заедно со ВАК методите и математиката допринесува за целосен мозочен развој кај децата.Децата учат како да ги визуализираат топчињата на абакусот кои ги гледаат(визуелно),следејќи ги магичните зборови(со слушање)ја изработуваат конкретната вежба и ги движат топчињата(допир,кинетички) за да се добие одговор а со тоа се врши и огромен мозочен тренинг кој води до генијални способности.
Што е НЛП и како им помага на децата?
Неуро Лингвистичко Програмирање е наука за процесот на мислењето,комуникацијата и однесувањето.Се однесува на начинот на кодирање на информации и репродуцирање на одлично однесување кое ќе ни овозможи консистентно постигнување на целите и посакуваните резултати.НЛП е процес на моделирање на свесните и несвесните патерни(модели)кои се уникатни и индивидуални за секоја личност во начинот на реализирање на високите потенцијали.
Користејќи ги НЛП-техниките децата се потикнуваат да размислуваат позитивно,да бидат со поголема самодоверба,мотивација и фокус кон остварување на своите цели.Зголемувајќи ја свесноста за себе и околината да бидат одлучни во своите акции и да станат добри лидери.
Кои се ефектите од креативна визуализација?
Децата кога визуализираат многу подобро и поефикасно ги разбираат работите.
Визуализацијата не само што им го подобрува генералното разбирање туку и уживаат во активноста без разлика дали е читање,математика или пишување.
Кои сме ние?
Обучени тренери кои интерактивно и на забавен начин ја обезбедуваат едукацијата кој се базира на:
- Свесно примање информациите кои доаѓаат од визуелните,аудитивните и кинестетичките сетила
- Физички мозочни вежби
- Концептуално учење
- Свесно набљудување за да се подобрат читачките,слушачките и нумеричките способности
Кои продукти се очекуваат од програмата?
- Концентрација и фокус
- Меморија
- Имагинација и креативност
- Свесно набљудување,брзина и точност
- Супериорни нумерички вештини
- Лидерство,одлучост,самодоверба...
Која е динамиката на програмата?
- 10/12 степени-секој трае 3/4 месеци
- Еднаш неделно-2 часа(120мин.)
- После секој степен се полага тест и се добива интернационален сертификат
- Група од 10-15 ученици со индивидуален пристап кон секое дете
- Деца од 4-14 год. кои можат да одговараат на едноставни прашања,да ги движат топчињата на абакусот,да бројат до 10 и да копираат едноставни пишани симболи
Дали програмата е за сите деца?
Програмата е за сите деца со нормален физички,емоционален и ментален развој.Програмата е и за деца кои имаат голем интелектуален коефициент и се одлични со математика.Бидејќи фокусот на програмата е кон целосниот мозочен и личен развој,здобивање на животни вештини и способности кои ќе ги користат во животот во секое академско поле или активност.
Колку детето треба да вежба?
Секој ден по 15 минути и редовно доаѓање на часови.
Што треба родителот да прави?
Најголемата подршка на родителот е да ја сфати важноста на програмата а потоа да му помогне на своето дете да го извлече најдоброто.Помошта е најголема во првиот степен кога треба да се поттикне детето да вежба дома редовно со правилни движења и изговарање на магичните зборови.
