Brainobrain програмата

Програмата се базира на Абакус Ментална Аритметика ( ВАК - методите ) и НЛП – техники ( неуро лингвистичко програмирање ).

Врз основа на долгогодишни истражувања се утврдило дека додека трае формативната фаза на ментален развој ( 4–14год.) кај децата е значајно да се врши ментална гимнастика, со цел да се изврши што поголема реализација на мозочниот капацитет.

Денес информацијата за абакусот како универзална ментална алатка е профатена насекаде низ светот бидејќи користејќи го абакусот за брзо време (3 месеци) доаѓа до брза и видлива промена во однесувањето на детето.

ВАК( визуелно аудитивно кинестетички ) методи:

Истражувајќи ги методите на учење се утврдило дека некои деца побрзо учат додека визуелно (со гледање) ја примаат информацијата, други со слушање, а трети со допир. Постои индивидуално преферирање на децата за овие различни начини на учење но сепак, најновите истражувања покажуваат дека доколку децата во исто време ги примаат и меморираат информациите кои доаѓаат од визуелните (гледањето), аудитивните (слушањето) и кинестетичките (тактилните/допирот) нервни патишта/сетила во мозокот, нивното учење и меморирање е најголемо и најбрзо, бидејќи доаѓа до трансфер на информациите од левата кон десната хемисфера на мозокот и целосна мозочна активност.

Затоа користејќи ја оваа техника на уникатен и иновативен начин, комбинирајќи ги ВАК-методологијата, менталната алатка абакусот и математиката, се врши развој и прогрес на целосниот мозочен капацитет координирајќи од помеѓу десната и левата хемисфера кај децата, со цел реализирање на капацитетот до генијалност.

НЛП-техники:

НЛП (неуро – лингвистичко програмирање) е наука за процесот на мислењето. Зголемувајќи ја свесноста за нашите зборови во креирањето на мислите, може многу да ни помогне во реализирањето на нашата личност, однесување, активности и нашите цели.

За децата оваа свесност доведува до развивање на лидерски способности, самодоверба, мудро менаџирање на ресурсите (времето, просторот, условите...) за успешно постигнување на високите зададени животни цели.